gazal....kashmiri
حبسہ دمس ما پوراں اوس
دروازو دت پانے تارئ
کوچہ گلس پیٹھ کستاں اوس
بانن منز تئم باگر دگ
دادین یی اکھ درماں اوس

تل پا تالے کھئتمئت ناگ
دود ہ تالاوا گریکواں اوس
وتھ چھنہ زیٹھاں شاہ لوساں
ملہ پئٹ کستاں ڈالاں اوس
قدمن تس اوس مدون شونکھ
ہرننہ ژھالے ژھالاں اوس
چشمن آسس سونتچ آش
وندہ راژنمنز پرزلاں اوس
گاہ اوس تراواں سینہ تسند
وصلک یتہ اکھ امکاں اوس
تھئکمت تئمسند ٹائر تلئن

اسہ پیٹھ یتہ بوڈ ایحساں اوس...............دویم قسط

Rath haz wen kath ows prarun.........
پش اوسا کنہ اسماں اوس
اپزوی مپزوی کیا تاں اوس
گر کر درایوس کینہہ چھنہ یاد
توشس منز کیا ساماں اوس
صبحے اوسن تلمت شور
بلبل کتھ پیٹھ نالاں اوس
سدرس منز باگ ٹھہرتھ ناو
تتھ منز کس تاں انسا ں اوس
آنس برونہہ کنہ ا بہتھ
یس کانہہ تتہ اوس حاراں اوس
لر لور نپہ نپہ شہرس زن
گاما کن زون واراں اوس
مہرین پراراں مہرازس
دروازس پیٹھ زاںپاں اوس
yi haz heki jaari ti ruzith....